Tíst frá LeBron James sem nú er horfið

Free agent sumarið 2014 - hvar endar Lebron James?

Samfélagsmiðlar loga þessa dagana með alls konar tillögur og uppástungur af því hvert Lebron James muni fara að loknu næsta tímabili, þ.e. sumarið 2014. Margar tilgátur eru uppi, en fastlega má gera ráð fyrir því að LBJ taki sína ákvörðun út frá því hvar hann getur unnið sem flesta titla sem fyrst. Samningur Lebron rennur þó ekki út, heldur eru næstu tvö ár, þ.e. 2014-2015 og 2015-2016 player option ár, þar sem Lebron hefur valið um að halda áfram með Miami og þiggur fyrir það $20,6 og $22,1 milljónir, nú eða ekki og þá þarf hann að finna sér nýtt lið - THE DECISION II.

Svona áður en vaðið er út í pælingarnar, þá er ágætt að hafa á hreinu hvaða hámarkssamning lið geta boðið leikmanni eins og Lebron. Árið 2014 verður hann kominn með 11 ára reynslu, sem setur hann í 10+ ára max contract flokkinn. Leikmenn sem falla í þann flokk geta fengið max 35% af cap space-i. Talið er að þakið verði $62,5 milljónir fyrir 2014-2015 tímabilið, en það þýðir þá að hægt verði að bjóða LBJ að hámarki $21,875,000 fyrir fyrsta árið. Það er litlu meira en það sem hann fengi hvort eð er með því að halda áfram hjá Heat.

Af hverju Miami Heat?
Það má fastlega gera ráð fyrir að Heat séu sterkir kandídatar til að halda Lebron, enda hefur hann unnið sína titla með þeim og það verður að telja líklegt að þeir fari aftur í finals 2014. Það eru hins vegar ákveðin veikleikamerki á rosternum sem komu berlega í ljós í playoffs núna og líklegt er að þau verði enn greinilegri næsta tímabil. Heilsan á Wade er spurningamerki, rulluspilararnir eru flestir orðnir nokkuð aldnir og það er alvarleg vöntun á stórum mönnum. Svo er jafnframt spurning hvað Riley nær að gera varðandi þá veikleika sem birtust í úrslitakeppninni, þar sem þeir liðu fyrir skort á nothæfum stórum mönnum og þurfa með einhverju móti að bæta úr því. Það er því góð spurning hvort Miami sé sá áfangastaður sem hentar markmiðum LBJ best, en það er alveg ljóst að Miami verður frontrunner þegar kemur að því að semja.

Af hverju Cleveland Cavaliers?
Fyrir það fyrsta, þá er Lebron frá Ohio. Hins vegar urðu viðskilin ekki góð 2010 og spurning hvort einhver sár séu ekki enn gróin um heilt gagnvart íbúum Cleveland og Dan Gilbert eiganda liðsins. Varðandi liðið sjálft, þá eru þeir búnir að koma sér í aðstöðu til að landa stórstjörnu, enda eiga þeir mikið cap room auk þess sem leikmennirnir sem eru þá á launaskrá teljast allir vel nothæfir, svo framarlega sem þeir eru þá heilir. Cavs eru ekki með neinn guaranteed contract á launaskránni hjá sér eftir 2013-2014 tímabilið, en eftirfarandi leikmenn eru Team Option: Varajeao $9,8mill Kyrie $7,5mill Tristan Thompson $5,4mill Dion Waiters $4,2mill Alonzo Gee $3,3mill Zeller $1,7mill Ef þeir pikka upp öll options þá er það $31,9 + $12 mill í Bynum = 43,9mill. Það er lítið mál að setja upp dæmi þar sem þeir sleppa leikmanni eins og t.d. Gee eða Zeller og bjóða Lebron max. Það væri þá ekkert slor starting 5: Kyrie - Waiters - LBJ - Varajeo - Bynum Anthony Bennett er þá að koma af bekknum + einhverjir free agents, þetta lið gæti jafnvel orðið sterkara en Heat og með leikmenn sem complementa hvorn annan betur. Það má líka setja inn í jöfnuna að LBJ hefur opinberlega lýst yfir hrifningu sinni á Kyrie Irving, það verður því að teljast vel mögulegt að LBJ snúi aftur "heim".

Af hverju Chicago Bulls?
Möguleikar Bulls felast í því að nota amnesty á Boozer, sem er ansi líklegt að verði niðurstaðan næsta sumar. Þannig komast þeir nógu langt undir launaþakið til að bjóða Lebron ansi nálægt max. Bulls eru með $44,5 mills í guaranteed contracts hjá sér fyrir 2014/2015 tímabiliðm en það gefur þeim tækifæri til að skella $18 mill tilboði í LBJ. Byrjunarlið Bulls gæti þá verið: Rose, Butler, LBJ, Gibson, Noah - það yrði algjör hryllingur að reyna að skora á þetta lið. Við þetta bætist Mirotic auk þess sem Dunleavy, Teague, Hinrich og Snell eru að koma inn af bekknum. Hvort þetta geti talist líklegt eða ekki verður tíminn að leiða í ljós, en fyrir harða aðdáendur Bulls er þetta klárlega spennandi möguleiki. Það má telja líklegt að lið sem þetta gæti orðið dynasty, enda sterkt í öllum stöðum á báðum endum vallarins.

Af hverju Lakers?
Lakers eru með tvo samningsbundna leikmenn fyrir 2014-2015 tímabilið, þá Steve Nash og Robert Sacre, en saman þiggja þeir rétt rúmlega $10,6 milljónir í laun fyrir það tímabil. Þá á eftir að semja við Kobe, en spurning er hvort annað sé verjandi fyrir Lakers en að semja við eina helstu hetju Los Angeles borgar. Kobe hefur lýst því yfir að hann sé ekki tilbúinn að gefa afslátt af eigin launum til að lokka leikmenn til LA auk þess sem Kobe er aldrei að fara að sætta sig við að vera option númer 2. Það þýðir að nái Lakers að semja við Kobe og Lebron, þá eru aðeins um $8,2 milljónir eftir af launaþakinu og líklegt að það lið yrði að treysta um of á stórstjörnurnar. Það má spyrja sig að því hvort svoleiðis umhverfi heilli Lebron, enda gæti það tekið nokkur ár að byggja upp lið í kringum hann.

Af hverju Knicks?
Það er ákveðið challenge að spila í New York, jafnframt er það ákveðið challenge fyrir New York að stilla öllu þannig upp að hægt verði að semja við Lebron. Þeir eru með Stoudemire á $23,4 milljónum og Carmelo er með $23,5 milljóna player option, sem líklegt er að hann nýti sér. Auk þess eru Tyson Chandler, Bargnani, Felton, Tim Hardaway Jr., Metta World Peace, JR Smith og Prigioni með samning við liðið og því ljóst að eitthvað mikið þarf að gerast svo hægt verði að finna pláss undir launaþakinu fyrir Lebron. Þó Knicks hafi verið nefndir til sögunnar, þá verður þessi áfangastaður að teljast hvað ólíklegastur af þeim sem áður hafa verið nefndir.

Af hverju Spurs?
Einn besti þjálfarinn í NBA; Parker, Duncan, Leonard og Ginobili eru allir með samning áfram og þeir eiga cap room í max contract. Hver vill mæta þessu byrjunarliði: Parker, Leonard, Lebron, Duncan, Splitter? San Antonio er hins vegar lítill markaður og það er margreynt og sannað að leikmenn þar fá ekki jafn miklar aukatekjur, þar sem markaðssvæðin gefa ekki jafn mikið af sér og New York, Chicago og Los Angeles. Ef Lebron er bara að hugsa um að vinna titla, þá gefast ekki mikið betri tækifæri til þess en hjá Spurs.

Önnur lið sem gætu boðið max samning næsta sumar eru Atlanta Hawks (guaranteed contracts $31,140,680), Charlotte Bobcats/Hornets ($18,190,330), Dallas ($15,048,000), Detroit ($13,778,388 - það vantar reyndar samning Josh Smith inn í þá tölu), Golden State ($39,034, 997), Milwaukee Bucks ($27,780,000 - það vantar reyndar samning Carlos Delfino inn í þá tölu), Orlando Magic ($26,750,500), Philadelphia 76ers ($15,761, 995), Phoenix Suns ($33,479,780), Sacramento Kings ($37,852,606), Utah Jazz ($5,470,960), Washington Wizards ($25,941,819).

Hvað sem öðru líður, þá er gefið mál að þetta verður eitt heitasta umræðuefnið fram í júlí 2014, svo framarlega sem LBJ taki ekki af allan vafa sjálfur fyrir þann tíma.

RIP haterz

Rólegir strákar

Leikmenn Heat hefðu getað orðið höfðinu styttri í skrúðgöngu meistaranna

LeBron James landar NBA meistaratitlinum með þessu skoti

Skot sem San Antonio Spurs voru búnir að ögra honum að skjóta alla seríuna. Skot sem hann hafði hitt illa úr á móti Spurs. Skot sem landaði titlinum.

Eru Nike/LeBron að púlla Nostradamus eða botnlausan hroka?

LeBron James náði þrefaldri tvennu í leik 6

32 stig, 11 stoðsendingar og 10 fráköst. Einn af fáum sem hafa verið með þrefalda tvennu í leik sem hefði getað slegið annað hvort liðið út. Þar á meðal eru Magic Johnson, Wes Unseld, Bill Russell, James Worthy og Jerry West.

Fór fyrst í gang eftir að ennisbandið fauk af honum.

Jordan/LeBron reglurnar

Allir sem hafa atvinnu af því að skrifa um körfubolta hafa tjáð sig um leik 3 í úrslitunum og flestir viðrað skoðun sína á því hvernig LeBron gerði upp á bak í honum eða eitthvað á þá leið.

Eina greinin hins vegar sem að mínu mati er eitthvað vit í er grein eftir Mike Prada frá SBNation.com. Hún gerir minna af því að drulla yfir leikmanninn LeBron James og meira af því að greina hvernig liðið San Antonio Spurs fór að því að lágmarka frammistöðu hans í leiknum.

Í stuttu máli segir greining Mike, eins og reyndar flestar aðrar, að Spurs hafi gefið LeBron 1-2 metra af plássi allan leikinn, en lokað teignum með stífri hjálparvörn og alltaf gefið honum skotið af miðlungsfæri innan við þriggja stiga línuna.  

Í hvert skipti sem LeBron reyndi að keyra að körfunni tóku á móti honum að lágmarki 3 leikmenn Spurs í teignum. Þá er lítið annað eftir en að taka þessi skot sem þeir voru að gefa honum - nema hvað þau voru bara ekki að detta oní.

LeBron James er fín skytta á þessum stað. Hann hitti um 48% skota sinna á þessum stað á leiktímabilinu en um 13% skota hans komu þaðan. Þessi nýting hefur hins vegar fallið í 42% í úrslitakeppninni og skotunum fækkað niður í 9%.

LeBron James líður best þegar hann getur keyrt inn í teiginn og klárað við hringinn eða gefið boltann út til einhverra sem annað hvort keyra að körfunni eða bíða fyrir utan eftir skotinu. Þetta var ekki í boði í leik 3 og þegar skotið hans er ekki að detta er einfaldlega búið að taka manninn úr umferð.

Þegar ég las þessa grein rifjaði ég upp myndband sem er ítarleg samantekt á "Jordan reglum" Detroit Pistons í lok níunda áratugarins. Jordan reglurnar gengu út á það að hleypa Michael Jordan ekki undir neinum kringumstæðum inn í teiginn og allra síst eftir endalínunni. Gáfu honum skotið en tóku af honum leiðina að körfunni. Eini munurinn á milli aðferða Pistons og Spurs er að strákarnir hans Popovich eru umtalsvert blíðhentari en slæmu strákarnir hans Chuck Daly hér forðum.

Munurinn á því hvernig þessir tveir leikmenn hins vegar brugðust við þessu er sá að LeBron James brotnaði niður, fór að skjóta og skaut illa, Michael Jordan keyrði aftur og aftur að körfunni þrátt fyrir þéttsetinn teiginn.

Annar munur á milli þessara leikmanna er að af þeim leikjum sem mestu máli skipta vinnur Jordan langflesta sína en LeBron síður.

Til er aðferð sem heitir Leverage Index og metur vægi leikja í úrslitakeppni með líkindareikiningi. Þar vega mest leikir sem sveifla líkindum á sigrí í seríunni yfir til sigurliðsins. Þeir leikir sem valda mestri hækkun á fyrrnefndum líkindum eru mikilvægustu leikirnir.

Af tólf mikilvægustu leikjum sem Jordan og LeBron hafa spilað í úrslitum (Finals) lið Jordan unnið 11 leiki en lið LeBron unnið 6. Með öðrum orðum er Jordan með 92% vinningshlutfall í tólf mikilvægustu leikjum hans á ferlinum í úrslitum en LeBron 50%.

Jordan spilaði einnig langoftast mjög vel í þessum leikjum.

LeBron James er laaaaangsamlega hæfileikaríkasti körfuboltamaður á jarðríki. Maðurinn er brynvarinn skriðdreki inni á vellinum og enginn sem kemur honum nálægt líkamlega í heiminum. Það er einnig vitað að skilningur hans á leiknum er mjög mikill.

En er hann jafn þrjóskur, þver og svo kappsamur að það situr á mörkum andlegrar geðheilsu líkt og Michael Jordan hefur alltaf verið?

Það sem Michael Jordan skorti líkamlega bætti hann upp með andlegum og sálrænum styrk.

Þegar LeBron James tekst að byggja hann upp verður hann fyrst ósigrandi.

Blokk ársins frá öllum sjónarhornum

Verður þetta eina augnablik til að þversnúa seríunni til Miami Heat?

 

 



Svakalegt blokk hjá LeBron James á Tiago Splitter

Og það sem fylgir í kjölfarið er bara misþyrmingar á varnar- og sóknarleik Spurs manna.

Blautur draumur allra Lakers manna þessa dagana

Verticality reglan í NBA deildinni

Undanfarið hefur mikið farið fyrir lítt þekktri reglu í NBA deildinni sem kallast "The Rule of Verticality" en hún er sem hér segir skv. skýringum sem fylgja leikreglum NBA deildarinnar:

Kafli II - liður A(2). - 6. mgr.
A player is entitled to a vertical position even to the extent of holding his arms above his shoulders, as in post play or when double-teaming in pressing tactics.
Any player who conforms to the above is absolved from responsibility for any contact by an opponent which may dislodge or tend to dislodge such player from the position which he has attained and is maintaining legally. If contact occurs, the official must decide whether the contact is incidental or a foul has been committed.

Í stuttu máli segir hún að varnarmaður geti teygt sig lóðrétt upp og jafnvel hoppað beint upp á móti sóknarmanni á þess að fá á sig villu við árekstur. Varnarmaður verður hins vegar að hoppa þráðbeint upp og hafa hendurnar beinar upp í loftið til þess að þessi regla eigi við.

Sums staðar hef ég lesið að þessi regla eigi við jafnvel þótt varnarmaður sé staddur fyrir innan hálfhringinn (e. The Restricted Area) þegar árekstur verður.

Roy Hibbert, miðherji Indiana Pacers, notfærir sér þessa reglu óspart og hefur einnig notið góðs af henni. Skemmst er að minnast þegar LeBron James fékk á sig sóknarvillu í sjötta leik liðanna í úrslitum austurdeildarinnar á laugardagskvöld.


Hibbert stekkur beint upp, að vísu ekki með hendurnar þráðbeint upp, en tekur höggið frá LeBron sem setur bæði hnéð og olnbogann á undan sér til að skýla boltanum.

Þetta er tvísýnn dómur en réttur ef eitthvað er að marka reglurnar.

Önnur regla á einnig við hér sbr. fyrrnefndar skýringar:

Kafli II - Liður C. 13. mgr.
An offensive foul shall be assessed if the player initiates contact in a non-basketball manner (leads with his foot, an unnatural extended knee, etc.).

Sama var dæmt þegar Shane Battier fékk á sig sóknarvillu við svipaðar aðstæður.

LeBron James tók yfir í þriðja hluta leiks 5 gegn Pacers

Sjálfur skoraði LeBron James 16 stig á móti 13 stigum allra Pacers manna í þessum leikhluta. Heat skoruðu samtals 30 stig á móti 13 stigum Pacers til að ganga endanlega frá leiknum.



"I just kind of went back to my Cleveland days at that point and just said, ‘Hey, let’s try to make more plays and be more of a scoring threat as well,’ and just see if the guys would follow me, and just lead them the best I could." - LeBron James

LeBron James floppar ekki

"I don't need to flop. I play an aggressive game. I don't flop. 

I've never been one of those guys." - Lebron James

LeBron James er genatískt viðundur

ESPN Sports Science renna yfir yfirburði LeBron James í öllum þáttum korfuknattleiksíþróttarinnar. Þarf engan að undra eftir þessa samantekt að drengurinn hlær að allri mögulegri samkeppni í deildinni.

LeBron James tapaði boltanum tvisvar á síðustu mínútu leiks 2

Áður en allir fara að hrópa LeBron sem ekki "clutch" af því hann klúðraði þessum tveimur sóknum verða menn að horfa á a) varnarleikinn hjá David West og sérstaklega Paul George í þessu myndbandi þar sem George fer í gegnum allar hindranir og límir sig eins og tyggjóklessa á LeBron, b) flatan sóknarleik Heat liðsins í þessum sóknum þar sem restin af "The Big Three" hanga langt fyrir utan teiginn og bíða eftir að LeBron klári þetta eða hendi boltanum á þá fyrir langskot.

Wade og Bosh verða að stíga upp og Spoelstra verður að fara að teikna upp eitthvað annað en "iso" kerfi fyrir LeBron til að þetta fari ekki illa fyrir Heat.

Tveir snillingar að etja kappi

Paul George treður yfir Birdman

Þessi sending frá LeBron James er eðlisfræðilega ómöguleg