Klámleikkonan Jessie Rogers gefur okkur 6 ástæður til að hlæja að Miami Heat

"The confetti cum shot." Aaaaahahahahaha!

Rajon Rondo: "I Will Never Play for The Miami Heat"

Leikmenn Heat hefðu getað orðið höfðinu styttri í skrúðgöngu meistaranna

LeBron James landar NBA meistaratitlinum með þessu skoti

Skot sem San Antonio Spurs voru búnir að ögra honum að skjóta alla seríuna. Skot sem hann hafði hitt illa úr á móti Spurs. Skot sem landaði titlinum.

Miami Heat eru NBA meistara 2013

Einn allra besti leikur í úrslitaseríu sem leikinn hefur verið

Þessi fer í sögubækurnar, það er klárt...

Tony Parker leikur sér að Miami Heat vörninni í leik 5

Alveg sama hver var að dekka hann - LeBron, Wade, Cole, Chalmers, Battier eða Miller - Tony Parker keyrði á þá og skoraði að vild.

2013 Finals Game 1 Mini Movie

Meistari Tony Parker lokar á Heat með þessu ótrúlega skoti

Úrslitin hefjast annað kvöld

LeBron James tapaði boltanum tvisvar á síðustu mínútu leiks 2

Áður en allir fara að hrópa LeBron sem ekki "clutch" af því hann klúðraði þessum tveimur sóknum verða menn að horfa á a) varnarleikinn hjá David West og sérstaklega Paul George í þessu myndbandi þar sem George fer í gegnum allar hindranir og límir sig eins og tyggjóklessa á LeBron, b) flatan sóknarleik Heat liðsins í þessum sóknum þar sem restin af "The Big Three" hanga langt fyrir utan teiginn og bíða eftir að LeBron klári þetta eða hendi boltanum á þá fyrir langskot.

Wade og Bosh verða að stíga upp og Spoelstra verður að fara að teikna upp eitthvað annað en "iso" kerfi fyrir LeBron til að þetta fari ekki illa fyrir Heat.

LeBron James treður sífellt oní kokið á gagnrýnisröddum

Ef þú varst ekki undir steini síðastliðin sólarhring þá ættirðu að vita það að Miami Heat vann fyrsta leikinn gegn Indiana Pacers í framlengingu eftir æsispennandi lokasekúndur. Flestum ætti einnig að vera ljóst að LeBron James lokaði leiknum með vinstri handar sniðskoti eftir frábæra leikfléttu frá Erik Spoelstra.

Leikfléttan er eins og áður sagði óaðfinnanleg. Hún endar með þrjá leikmenn í sínum bestu stöðum fyrir spot up skoti. LeBron hins vegar sér fjórða möguleikann eftir varnarmistök Paul George sem seldi sig aðeins of ódýrt á hægri hliðinni og ætlaði eflaust að stoppa stökkskotið. LeBron les ástandið eins og opna bók á augnabliki og vindur sér á vinstri hliðina með einu drippli og beint í sniðskot með George enn að átta sig á því hvað var að gerast.

Sóknarleikurinn hjá Heat framkvæmdur fullkomlega. Varnarleikur Pacers hins vegar ekki.

David West fellur of mikið niður til að loka á sendinguna niður til Ray Allen og gefur þannig Shane Battier óhindraða sendingarlínu beint á LeBron á besta stað. Hefði hann staðið ofar hefði LeBron þurft að sækja boltann ofar George fengið mun meiri tíma til að bregðast við og LeBron eflaust þurft að reyna langskot.

Frank Vogel útskýrði fjarveru Roy Hibbert á þessum tíma í leiknum á þá leið að hann vildi ekki að Chris Bosh myndi toga hann út úr teignum með stökkskotum fyrir utan hann. Margir segja það mistök og að LeBron hefði aldrei fengið svo galopið sniðskot eins og rauninn varð ef Hibbert hefði verið á vellinum. Skemmst er frá að segja þegar Hibbert blokkaði Carmelo Anthony við hringinn í leik 6 til að stöðva mögulegan viðsnúning á leiknum Knicks í hag.

Vogel til varnar þá verður að hafa í huga að LeBron er frábær að senda boltann og virðist vera með augu allan hringinn í höfðinu. Hann hefði hæglega fundið Bosh í teignum fyrir auðveldu skoti ef Hibbert hefði sótt að honum.

Þetta er hins vegar það skemmtilega við körfuboltann. Hetjur verða skúrkar á augnabliki og öfugt. Sekúndur skipta öllu máli og má enginn sofa á verðinum.

Man einhver eftir því að fyrir akkúrat 4 árum áður gerði LeBron James þetta?

LeBron er sífellt að troða sokk ofan í gagnrýnisraddirnar sem hafa haft hvað hæst um takmarkanir hans (ef einhverjar eru). Þar á meðal er Michael Jordan, en hann sagði fyrir skemmstu að ef hann væri að dekka LeBron myndi hann hleypa honum á vinstri hliðina því hann endi öll drive að körfunni vinstra megin með stökkskoti. Vona að sokkurinn bragðist vel fyrir MJ því LeBron er að afsanna þessa kenningu í sífellu.

LeBron er einnig sífellt að sanna sig sem áreiðanlegur valkostur þegar lítið er eftir og leikurinn í járnum. Með 24 sekúndur eða minna eftir af leiknum og möguleiki á að jafna eða vinna leikinn er LeBron með 43,8% nýtingu eða 7/16. Í samanburði við meðaltal deildarinnar sem er 28,3% eru þetta ómannlegar tölur og afsanna þá fullyrðingu að maðurinn sé ekki "clutch" þegar leikurinn er í járnum. Næstur á eftir LeBron er Kobe Bryant með 5/17.

Stórkostleg endurkoma Miami Heat gegn Cleveland Cavaliers

24 leikir í röð. Heat klóra sig upp úr 27 stiga holu með LeBron James í broddi fylkingar.



Via @MaxaMillion711

Miami Heat fara all in í Harlem Shake

Það sem ég sé í þessu myndbandi:

• Birdman er snillingur
• LeBron James er kóngurinn
• Chris Bosh veit ekkert hvað hann er að gera
• Dwyane Wade er með bangsahausinn
• Mario Chalmers flottur í Super Mario búningnum
• Haslem með slökkviliðshjálminn

Hvað sjáið þið?



Ef ríkjandi NBA meistarar þora að gera Harlem Shake myndband þá hljóta fleiri lið í Dominos deildinni að slá til.... komaso!

Vel gert Miami Heat

Kann að meta þetta framtak hjá Miami Heat liðinu...

LeBron James - Weight Of The World (2012 NBA FINALS MIX)



Via @MaxaMillion711

Heat - Thunder (Leikur 1)



Þáttur Nick Collison í sigri OKC Thunder í leik 1 gegn Heat

Thunder-liðsmenn mættu til leiks í fyrri hálfleik fyrsta leiks Oklahoma og Miami um úrslit NBA deildarinnar í nótt, með örlítinn vott af Finals jitters. Menn voru ekki að skjóta af öryggi og vörnin var hálfrugluð á köflum í fyrsta hluta.  Scott Brooks segir það að miklu leyti vera því um að kenna að Spoelstra ruglaði öllum match-uppum fyrir þennan leik.  T.d. byrjaði LeBron James að dekka Kendrick Perkins og þar fram eftir götunum.  Brooks sagði að það hafi tekið rúmlega fyrsta fjórðung að ná áttum vegna þessa auk þess sem Battier og Chalmers voru að negla niður skotum út um allt.

Að mínu mati fór ekkert að ganga hjá Thunder liðinu fyrr en maður að nafni Nick Collison var settur inn á í staðinn fyrir Kendrick Perkins.  Perkins er eiginlega tiltölulega gagnslaus í þessari seríu þar sem Miami hefur enga sérstaka ógn í teignum. 

Collison er einstaklega klókur körfuboltaspilari og tímasetningar hans og hreyfing án boltans eru til fyrirmyndar.  Tölfræði hans ber engan veginn vitnisburð um afrek hans í þessum leik fyrir utan kannski þau 10 fráköst (5 í sókn) sem hann reif niður á aðeins 21 mínútu.

Ef könnuð er "advanced" tölfræði leiksins er framlag hans ótvírætt.  80% TS% og eFG%, hann reif niður um 30% af öllum fráköstum sem í boði voru, og 16% sókna liðsins flæddi í gegnum hann, á meðan hann var inni á vellinum.  Önnur tölfræði frá Nerdnumbers.com sem kallast "Wins Produced" eða framlag leikmanns til árangurs liðsins, sýnir hins vegar betur en allt annað hver var mikilvægast leikmaður liðsins miðað við spilaðar mínútur.  WP-gildi Collison í leiknum var 0,20 - næst á eftir Kevin Durant sem var með 0,38.  Ef þetta gildi er hins vegar skoðað miðað við 48 leiknar mínútur er Collison með hæsta gildið eða 0,453.

Þessi sería fer hressilega af stað en ef Miami ætlar ekki að spila betri vörn en þetta (DRgt 120,2 í þessum leik) þá er ég ansi hræddur um að leikirnir í seríunni verði fáir.  Wade þarf líka að fara að ákveða sig hvort hann ætlar að taka þátt í sóknarleik liðsins eða ekki.

Kevin Durant átti hins vegar stórleik fyrir heimamenn og tókst að skrá nafn sitt í sögubækurnar við það að skora næstflest stig leikmanna í sínum fyrsta Finals leik með 36 stig.  Aðeins Allen Iverson skoraði meira eða 48 á móti Lakers 2001.



Líkindi úrslita í NBA Finals samkvæmt veðbönkum

Bandaríkjamenn hata ekki að setja pening undir úrslit íþróttakappleikja og eru NBA Finals engin undantekning þar.  Samkvæmt Oddsshark.com eru mestu líkurnar á því að Oklahoma Thunder loki þessu í sex leikjum eða 11:4 með lægsta stuðulinn 2,75.



Sigurlið	Fj.leikja	Líkindi	Stuðull
OKC Thunder	4	9:1	9,00
OKC Thunder	5	6:1	6,00
OKC Thunder	6	11:4	2,75
OKC Thunder	7	14:5	2,80
Miami Heat	4	15:1	15,00
Miami Heat	5	13:2	6,50
Miami Heat	6	8:1	8,00
Miami Heat	7	7:1	7,00

Fyrsta og annað sætið í MVP kosningu mætast í úrslitum



Í tólfta sinn í sögu NBA deildarinnar mætast í Finals, verðmætasti leikmaður deildarinnar og sá sem lenti í öðru sæti í þeirri kosningu. Hér að neðan eru þeir taldir upp sem mæst hafa í úrslitum, MVP á undan og annað sætið á eftir.  Þeir sem stóðu uppi sem meistarar eru feitletraðir.

1957 - Bob Cousy vs. Bob Pettit
1961 - Bill Russell vs. Bob Pettit
1963 - Bill Russell vs. Elgin Baylor
1967 - Wilt Chamberlain vs. Nate Thurmond
1970 - Willis Reed vs. Jerry West
1980 - Kareem Abdul-Jabbar vs. Julius Erving
1985 - Larry Bird vs. Magic Johnson
1991 - Michael Jordan vs. Magic Johnson
1992 - Michael Jordan vs. Clyde Drexler
1997 - Karl Malone vs. Michael Jordan
1998 - Michael Jordan vs. Karl Malone
2012 - Kevin Durant vs. LeBron James

Í níu af þessum ellefu skiptum sem þetta hefur gerst, hefur verðmætasti leikmaður deildarinnar unnið titilinn.  Í hin tvö skiptin voru það ómannleg kvikindi eins og MJ og Magic sem brutu þá reglu.  Í níu af þessum ellefu skiptum hefur liðið sem vann meistaratitilinn verið með heimavallarréttindin og enn og aftur voru það Magic og Jordan sem leiddu þar sín lið alla leið.

Sagan er ekki með LeBron James þessa ferðina frekar en fyrri daginn.  Það getur hins vegar allt gerst í Finals og það er það sem gerir þessa íþrótt svo skemmtilega. 

Ég segi hins vegar að Oklahoma Thunder muni taka þessa seríu í sex leikjum.