Showing posts with label Þristar. Show all posts
Showing posts with label Þristar. Show all posts

Wednesday, June 12, 2013

San Antonio Spurs setja met í þriggja stiga körfum skoruðum í úrslitaleik



Sextán þristar! 16/32 nýting eða 50% sem er betra en þeir hittu innan línunnar. Fáránlegt afrek í úrslitum NBA deildarinnar.

Thursday, April 4, 2013

Þróun í skotvali í úrvalsdeild á Íslandi - 3s vs. 2s


Fáar, ef einhverjar, reglubreytingar í körfubolta hafa haft jafn mótandi áhrif á leikinn og þriggja stiga línan sem var tekin inn í FIBA reglurnar árið 1984. Mörg lið í atvinnumannadeildum hafa sett mikinn fókus á þriggja stiga skotið og er nánast hvert og eitt einasta lið með alla vega 1-2 annálaðar þriggja stiga skyttur.

Það hefur verið mín skynjun undanfarin ár að þróunin sé í þá átt í efstu deild hér á Íslandi að þriggja stiga skotum fari fjölgandi og lið leggi sífellt meiri áherslu á þau í sóknarleik sínum. Því ákvað ég að taka saman þær upplýsingar sem eru á reiðum höndum á vefsíðu KKÍ til að kanna þetta mál.

Tölfræðisafn KKÍ, í þeirri mynd sem það er í dag, nær aftur til tímabilsins 2008-2009 og því kannski ekki nóg til af gögnum til að meta þróunina almennilega.

Ef skoðuð er samsetning á skotvali liða í efstu deild á þessum árum sést ekki mikil breyting á milli ára. Þriggja stiga skotum fækkar hlutfallslega á tveimur síðustu árum sem er harla í takt við það sem nefnt er hér að ofan. Þessa breytingu má að öllum líkindum rekja til færslu þriggja stiga línunnar utar fyrir tímabilið 2011-2012.


Ef könnuð er dreifing á stigaskori í deildinni er sömu sögu að segja þar sem fjöldi stiga af vítalínunni er stöðugur, rétt undir 20% af heildinni.


Þvert á móti er hlutfall tvegga stiga skota af heildinni að hækka umtalsvert síðustu ár og sú þróun leitar upp á við eins og gula línan sýnir. Nokkuð sem mætti einnig rekja til tilfærslu þriggja stiga línunnar fyrir tveimur árum.


Þegar almenn skotnýting er könnuð sjáum við leitni niður á við í þriggja stiga skotum. Nýtingin tekur eðlilega góða dýfu eftir tilfærslu þriggja stiga línunnar. Nokkuð jöfn nýting í tveggja stiga skotum en mjög ánægjulega þróun upp á við er að sjá í nýtingu vítaskota. Vítanýtingin náði sínu hæsta gildi á því tímabili sem kannað var í nýliðinni deildarkeppni eða 72,7%




Af þessum gögnum að dæma er hægt að hrekja fyrrgreinda kenningu að áhersla liða í eftstu deild í körfubolta á Íslandi sé að færast í átt að þriggja stiga skotum. Hins vegar ef könnuð er þróun á fjölda allra skota utan að velli í heild milli ára sést allt önnur saga.


Umtalsverð aukning á skotum utan að velli á þessum árum eða um 1,4% að meðaltali á ári. Þessar tölur haldast í hendur við fyrri athugun á þróun leikhraða í deildinni á sama tíma.

Það er því ekki hægt að fullyrða að körfuboltalið á Íslandi séu að leita í meira mæli í þriggja stiga skotin frekar en önnur skot innan línunnar. Liðin eru hins vegar að skjóta mun meira í heildina litið sem sést einnig í auknum leikhraða í gegnum árin. Áhrifa tilfærslunnar á þriggja stiga línunni gætir víðs vegar í þessari athugun og því mögulega ekki hægt að álykta um efnið vegna þessa. Ruslið mun hins vegar fylgjast með þessari þróun á næstu árum.

Tuesday, January 29, 2013

Wednesday, December 12, 2012

Jason Kidd lokar á Brooklyn Nets

Frábærlega teiknað leikkerfi og magnað skot hjá Kidd... en good call hjá Jeff Van Gundy með sóknarvilluna. Þetta hefði átt að vera no-call eða sóknarvilla hjá Kidd.



Thursday, June 7, 2012

Drama á Spáni

Fyrsta leik risanna á Spáni í úrslitum spænsku deildarinnar lyktaði með sigri Börsunga eftir flautuþrist frá Maaaaaaaaaaaarceliiiiiiiiinhooooooooo Huertas.




Wednesday, June 6, 2012

"Cold blooded!"

Lítið hægt að mótmæla því sem heilagur Sannleikurinn gargar eftir þessa körfu...




Tuesday, March 6, 2012

Truth Hurts

Sannleikurinn tryggir Boston framlengingu...





Monday, January 16, 2012

CP3 með 3PT

Hressandi að sjá Blake Griffin og Pau Gasol tuska hvorn annan til fyrir utan teiginn...