Tvífarar dagsins

Karma í borg englanna

Bynum er blóraböggull Lakers aðdáenda

Margir Lakers menn hafa kennt Andrew Bynum um ófarir liðsins gegn OKC.  Færa má rök fyrir því með t.d. þessum myndböndum en þó held ég að framlína OKC hafi einfaldlega verið númeri of stór fyrir Bynum og Gasol.  Kendrick Perkins þurfti ekki double-team til að ráða við Bynum og svo að lokum var guttinn búinn að missa áhugann eins og sést einnig mjög vel í þessum myndböndum.

Annað myndband sem ég rakst á sýnir hversu fáránlega öfluga vörn Perkins var að spila á strákinn.  Frontar hann út og suður og þarf engan að undra hvers vegna boltinn komst sjaldan eða aldrei inn í teiginn.



Kwame Brown brandarakall



Kwame Brown um Andrew Bynum:  "I taught him everything he knows. I'm one of the better defenders in the league and we played against each other every day in practice. I told him if you can score against me, you can score on anyone."

Andrew Bynum leggur í fatlaðra stæði

Ekki nóg með að lemja dverga þá leggur Andrew Bynum í bílastæði fatlaðra líka.  Classy.  (Flottur bíll samt)

Andrew Bynum vs. Chris Paul

Chris Paul grillar Andrew Bynum með nokkrum grimmum krossum og Bynum reynir sitt besta að halda sér á fótunum.  Ótrúlegt að hann hafi ekki meitt hnéið í þessum dansi þarna.

Chris Paul með 27 stig (7/14 í skotum og 11/11 í vítum), 13 fráköst og 15 stoðsendingar... FTW!  Serían jöfn í 2-2.



Hörð villa hjá Andrew Bynum

Andrew Bynum sendi Michael Beasley í gólfið í leiknum milli Lakers og T-Wolves á föstudaginn.  Lakers-menn segja að þetta sé bara "good hard foul" en að mínu mati er þetta rétt dæmt hjá dómurunum. Ég styð harðan varnarleik og physical bolta en menn verða þá alla vega að þykjast fara í boltann þegar þeir taka svona fast á mönnum sem keyra að körfunni. Þetta er bara heimska og Beasley heppinn að slasast ekki.



Melo til Lakers?



Carmelo Anthony virðist vera með alla NBA deildina í gíslingu þessa dagana því fátt annað heyrist frá fréttamönnum sem fylgjast með henni annað en til hvaða liða hann geti mögulega farið.  New Jersey Nets, eftir þónokkrar tilraunir, gáfu nýverið skít í kapphlaupið um leikmanninn knáa og virtist þá lítið vera eftir nema New York Knicks og einhver smá smuga á að hann endi hjá Chicago Bulls.

Í síðustu viku bárust fréttir frá Los Angeles að stjórnendur Lakers væru að íhuga breytingar á leikmannalista sínum.  Sífellt háværari raddir heyrast nú af viðræðum milli Nuggets og Lakers um skipti á Carmelo Anthony og Andrew Bynum.  Díll sem gæti launalega vel gengið upp ef Lakers ákveða að loka á The Andrew Bynum Project.  Melo er góður fengur fyrir hvaða lið sem er sóknarlega en Lakers hafa átt í vandræðum í vörninni undanfarið og ekki er ég að sjá Anthony vera sterkan póst þar.  Einnig hefur heyrst af viðræðum milli Lakers og Bobcats um skipti sem myndu senda Artest til Charlotte fyrir annað hvort Stephen Jackson eða Gerald Wallace, en útlit er fyrir að ekkert verði af því þar sem Artest hefur lítinn áhuga á að fara til Charlotte.

En klukkan tifar og styttist hratt í að lokafresturinn til leikmannaskipta renni út þann 24. febrúar nk.  Ekkert lið virðist geta reitt af hendi það sem Nuggets eru að sækjast eftir, nema þá einna helst Knicks.  Þeir geta látið frá sér draft pick sem Nuggets eru á eftir fyrir nýja uppbyggingu á liðinu, en vilja síður láta af hendi Danilo Gallinari eða nýliðan Landry Fields sem eru á óskalista Nuggets.  Bulls hafa lítið annað að bjóða en Luol Deng, einhverja pappakassa og skiptimynt, en taka það ekki í mál að láta frá sér Joakim Noah sem Nuggets hafa farið fram á.

Samkvæmt spekingum vestan hafs virðast allir möguleikar vera jafn líklegir eins og staðan er í dag.  Jafnvel að hann verði einfaldlega um kyrrt þar til tímabilinu lýkur og semji við nýtt lið í sumar.  Ég veit alla vega að ég verð því feginn þegar lausn kemst á þetta mál því þessi sápuópera hefur verið hin versta - líkt og afgreiðsla ónefnds leikmanns á sínum högum sl. sumar.