Einn allra besti leikur í úrslitaseríu sem leikinn hefur verið

Þessi fer í sögubækurnar, það er klárt...

Tony Parker leikur sér að Miami Heat vörninni í leik 5

Alveg sama hver var að dekka hann - LeBron, Wade, Cole, Chalmers, Battier eða Miller - Tony Parker keyrði á þá og skoraði að vild.

Jordan/LeBron reglurnar

Allir sem hafa atvinnu af því að skrifa um körfubolta hafa tjáð sig um leik 3 í úrslitunum og flestir viðrað skoðun sína á því hvernig LeBron gerði upp á bak í honum eða eitthvað á þá leið.

Eina greinin hins vegar sem að mínu mati er eitthvað vit í er grein eftir Mike Prada frá SBNation.com. Hún gerir minna af því að drulla yfir leikmanninn LeBron James og meira af því að greina hvernig liðið San Antonio Spurs fór að því að lágmarka frammistöðu hans í leiknum.

Í stuttu máli segir greining Mike, eins og reyndar flestar aðrar, að Spurs hafi gefið LeBron 1-2 metra af plássi allan leikinn, en lokað teignum með stífri hjálparvörn og alltaf gefið honum skotið af miðlungsfæri innan við þriggja stiga línuna.  

Í hvert skipti sem LeBron reyndi að keyra að körfunni tóku á móti honum að lágmarki 3 leikmenn Spurs í teignum. Þá er lítið annað eftir en að taka þessi skot sem þeir voru að gefa honum - nema hvað þau voru bara ekki að detta oní.

LeBron James er fín skytta á þessum stað. Hann hitti um 48% skota sinna á þessum stað á leiktímabilinu en um 13% skota hans komu þaðan. Þessi nýting hefur hins vegar fallið í 42% í úrslitakeppninni og skotunum fækkað niður í 9%.

LeBron James líður best þegar hann getur keyrt inn í teiginn og klárað við hringinn eða gefið boltann út til einhverra sem annað hvort keyra að körfunni eða bíða fyrir utan eftir skotinu. Þetta var ekki í boði í leik 3 og þegar skotið hans er ekki að detta er einfaldlega búið að taka manninn úr umferð.

Þegar ég las þessa grein rifjaði ég upp myndband sem er ítarleg samantekt á "Jordan reglum" Detroit Pistons í lok níunda áratugarins. Jordan reglurnar gengu út á það að hleypa Michael Jordan ekki undir neinum kringumstæðum inn í teiginn og allra síst eftir endalínunni. Gáfu honum skotið en tóku af honum leiðina að körfunni. Eini munurinn á milli aðferða Pistons og Spurs er að strákarnir hans Popovich eru umtalsvert blíðhentari en slæmu strákarnir hans Chuck Daly hér forðum.

Munurinn á því hvernig þessir tveir leikmenn hins vegar brugðust við þessu er sá að LeBron James brotnaði niður, fór að skjóta og skaut illa, Michael Jordan keyrði aftur og aftur að körfunni þrátt fyrir þéttsetinn teiginn.

Annar munur á milli þessara leikmanna er að af þeim leikjum sem mestu máli skipta vinnur Jordan langflesta sína en LeBron síður.

Til er aðferð sem heitir Leverage Index og metur vægi leikja í úrslitakeppni með líkindareikiningi. Þar vega mest leikir sem sveifla líkindum á sigrí í seríunni yfir til sigurliðsins. Þeir leikir sem valda mestri hækkun á fyrrnefndum líkindum eru mikilvægustu leikirnir.

Af tólf mikilvægustu leikjum sem Jordan og LeBron hafa spilað í úrslitum (Finals) lið Jordan unnið 11 leiki en lið LeBron unnið 6. Með öðrum orðum er Jordan með 92% vinningshlutfall í tólf mikilvægustu leikjum hans á ferlinum í úrslitum en LeBron 50%.

Jordan spilaði einnig langoftast mjög vel í þessum leikjum.

LeBron James er laaaaangsamlega hæfileikaríkasti körfuboltamaður á jarðríki. Maðurinn er brynvarinn skriðdreki inni á vellinum og enginn sem kemur honum nálægt líkamlega í heiminum. Það er einnig vitað að skilningur hans á leiknum er mjög mikill.

En er hann jafn þrjóskur, þver og svo kappsamur að það situr á mörkum andlegrar geðheilsu líkt og Michael Jordan hefur alltaf verið?

Það sem Michael Jordan skorti líkamlega bætti hann upp með andlegum og sálrænum styrk.

Þegar LeBron James tekst að byggja hann upp verður hann fyrst ósigrandi.

San Antonio Spurs setja met í þriggja stiga körfum skoruðum í úrslitaleik

Sextán þristar! 16/32 nýting eða 50% sem er betra en þeir hittu innan línunnar. Fáránlegt afrek í úrslitum NBA deildarinnar.

2013 Finals Game 1 Mini Movie

Meistari Tony Parker lokar á Heat með þessu ótrúlega skoti

Hamarinn

Hamarinn er leikkerfi sem við munum sjá mikið af í úrslitunum milli Spurs og Heat. Frekar einfalt kerfi en gríðarlega árangursríkt hjá San Antonio sem er með öll vopn til að nýta það til hins ítrasta.

Fylgist með þessu í nótt.

Joey Crawford mun líklega ekki dæma í úrslitunum

NBA deildin veltir nú vöngum yfir því hvort óhætt sé að láta Joey Crawford dæma einhvern af þeim mögulega 7 leikjum sem leiknir verða í úrslitunum. Ástæðan er þessi mynd sem hér er að ofan.

Þeir sem hafa horft á NBA boltann undanfarin ár vita hins vegar að það er ekki mikil ást milli Spurs leikmanna og þá einna helst Tim Duncan annars vegar og dómarans umdeilda Joey Crawford hins vegar.

Við munum öll eftir þessu, ekki satt?

Úrslitin hefjast annað kvöld

Þessi drengur er vitnisburður þess að Spurs vinna scouting vinnuna sína

20 þristar frá San Antonio Spurs

Legendary sería

Er sagan að endurtaka sig?

Fari svo sem horfir þá mun Memphis slá út San Antonio (að sjálfsögðu er þetta ekki búið og ég trúi að mínir menn komi til baka). Þetta verður þá í 4.skiptið í sögu NBA sem að lið númer 8 slær út lið númer 1 í fyrstu umferð.

Það er ekki svo langt síðan þetta gerðist síðast. Rifjum upp þegar Warriors slógu út Mavs í fyrstu umferð árið 2007.

Enn ein leðurblakan í San Antonio

En Ginobili leggur ekki í hana þetta skiptið...



Flottur sunnudagur framundan

Loksins er þessi fótboltaleikur er að klárast og tími til kominn að ræða mál málanna. Heat-Bulls er klukkan 18 í beinni á stöð 2 sýn sport 7 eða eitthvað álíka. Heat búnir að vera slakir undanfarið og tapa síðustu 3 leikjum. Bulls hættulegir með D.Rose í broddi fylkingar.
Menn verða svo farnir úr sokkunum og verða á tánum kl 20:30 þegar Spurs og Lakers mætast. Þá verður það bara nýja góða strímið sem gildir.
Endum þennan stutta pistil á að horfa á leikmenn Spurs með Bonnerinn sjóðheitan kafsigla Heat fyrir utan 3-stiga línuna síðastliðið föstudagskvöld.

DeJuan Blair = Góð byrjun á stjörnuhelginni

Manu

Spurs áttu aldrei í vandræðum með Kings í nótt. Manu stóð fyrir sínu eins og alltaf. Reyndar hefur hann farið einstaklega illa með Sacramento Kings í gegnum tíðina. Við sjáum myndbrot sem staðfestir það.