Denver Nuggets - Harlem Shake

Tvö orð: JaVale McGee

Maríjúana lögleitt í Colorado



Jordan Hamilton hamrar



Not FTW

Lakers geta þakkað Ítala að nafni Danilo Gallinari fyrir að tapa ekki þriðja leik sínum á tímabilinu...

Villa eða frábær vörn?

Nuggets áttu færi á að jafna leikinn gegn Thunder í nótt, þremur stigum undir og nokkrar sekúndur eftir.  Gersamlega kæfandi vörn (að mínu mati) frá James Harden hindraði það að J.R. Smith næði að ná almennilegu skoti af rétt áður en flautan gall.  Hvað finnst ykkur?



The Melo Era hefst í New York



Það á ekki að hafa farið fram hjá neinum að Carmelo Anthony er búinn að vera á leiðinni til New York Knicks síðan í haust. Melo-dramað er búið að vera nánast óþolandi sápuópera síðan þá sem endaði í vikunni á því að guttinn fékk það sem hann óskaði. Melo er í sigurvímu eftir þessi viðskipti en hvaða áhrif höfðu þau á félögin sem áttu þau?

Stjórnendur Denver Nuggets gerðu sem mest þeir gátu úr þeirri döpru stöðu sem stjörnuleikmaðurinn þeirra hafði sett þá í. Þeir gáfu ekkert eftir í öllu samningaferlinu og ýttu hinum liðunum nánast upp að sársaukamörkum í viðræðunum. Nuggets fengu Raymond Felton sem er að spila sitt besta tímabil á ferlinum og ætti að fylla skarð Billups að miklu leyti. Það er samt klárt að hann og Ty Lawson eiga eftir að berjast um byrjunarliðsstöðuna. Gallinari er þokkalegasta skytta fyrir utan en að mínu mati er mesti fengurinn í Wilson Chandler sem mikill baráttuhundur og er jafnframt að eiga sitt besta tímabil núna. Anthony Carter fer aftur til Denver og Timofey Mozgov verður backup fyrir Nene. Það sem mestu máli skiptir fyrir Nuggets hins vegar eru draft pikkin sem Knicks tæmdu gersamlega í vasann á Denver. Eitt fyrir fyrstu umferð og tvö fyrir aðra umferð.

Knicks hins vegar fengu gullkálfinn, Carmelo Anthony, sem New York borg hefur verið að bíða eftir alla tíð síðan LeBron James tjáði heimsbyggðinni á ESPN hvar hann ætlaði að spila í vetur. Knicks létu að mínu mati allt of mikið frá sér til þess. Billups er á lokasprettinum á sínum ferli og hinir tveir leikmennirnir sem komu með þeim munu ólíklega skila mjög miklu.

Melo lék sinn fyrsta leik fyrir Knicks á miðvikudaginn og var augljóslega mikil eftirvænting í loftinu í MSG. Öll augun í Garðinum voru á Melo og hann hélt sýningu. 27 stig og 10 fráköst - en hann þurfti 25 skot til þess og gaf aðeins eina stoðsendingu. STAT var sýnilega ekki mjög skemmt og endaði á bekknum í lok leiks með sex villur eftir 34 mínútur. Það sem verra er - er að þeir voru í vandræðum með ekki sterkara lið en Bucks. Menn setja einnig spurningamerki við hvernig Melo eigi eftir að passa inn í kerfið hans D'Antoni sem er mikið fyrir run-and-gun bolta. Melo hatar ekki að klappa boltanum en þetta á hins vegar allt eftir að koma í ljós. Hann þarf alla vega ekki að hafa áhyggjur af því að þurfa að spila mikla vörn þarna.

Háværar raddir voru uppi á þeim tíma sem skiptin voru að ganga yfir um að Isiah Thomas væri að fjarstýra aðgerðum Knicks-manna. Donnie Walsh, framkvæmdastjóri Knicks var tregur við að láta svona mikið fyrir Melo og var að því er virtist tilbúinn að gleyma þessu og reyna aftur í sumar þegar Melo yrði með lausan samning. James Dolan, eigandi liðsins er sagður vera í stanslausu sambandi við Thomas og þiggi reglulega ráðleggingar frá honum um rekstur liðsins. Af hverju? Ekki spyrja mig. Ferill Thomas hjá Knicks er ekki sá glæstasti en þó hafa gengið sögusagnir þess efnis að Dolan ætli þrátt fyrir allt að koma Thomas aftur til áhrifa hjá liðinu.

Þrátt fyrir að hafa aldrei haldið með Knicks liðinu verð ég að viðurkenna að maður hefur alltaf haft taugar til liðsins - fyrir þær einar sakir að liðið er staðsett í vöggu körfuboltans og saga félagsins er hlaðin goðsögnum. Því angrar það mig að átta mig ekki almennilega á því hvort þessi skipti Dolan og félaga fyrir Carmelo Anthony hafi verið sterkt marketing-múv án mikillar framtíðarsýnar eða strategísk snilld sem muni koma opinbera sig á næstu árum.

Stóra eplið er hins vegar í sigurvímu yfir þessum skiptum og það er það sem máli skiptir.

Gallinari með í nýjasta tilboði Knicks í Melo

Knicks hafa hingað til verið tregir við að láta af hendi Ítalann Danilo Gallinari í tilraunum sínum til að landa Carmelo Anthony - allt fram að þessu. 

Nýjasta útspil Dolan og Walsh er að bjóða fram Gallinari, Raymond Felton, Wilson Chandler, Eddy Curry (og hans risastóra samning sem fer að renna út), draft pikk.  New York fengju í staðinn frá Denver Carmelo Anthony, Chauncey Billups, Renaldo Blackman og Shelden Williams.

Það hefur lekið út að þessi skipti séu svo gott sem klár, en við trúum engu fyrr en við sjáum hann í nýrri treyju.

HookUp:  SLAM Online

Carmelo Anthony treid slúður - nú er það Nets

Nýjustu fregnir herma að Rússinn í New Jersey hafi ekki enn gefist upp á að ná í Melo, þrátt fyrir fyrri yfirlýsingar.  Sögusagnir segja að samningar milli New Jersey Nets og Denver Nuggets séu á lokastigi og aðeins formsatriði að klára skiptin. 

New Jersey fengju Carmelo Anthony, Chauncey Billups, Sheldon Williams, Melvin Ely og Renaldo Blackman.  Denver Nuggets fengju Derrick Favors, Devin Harris, Ben Uzoh, Troy Murphy og fjögur draft pikk.

Allt hangir þetta hins vegar á því hvort Melo sé tilbúinn til að semja við Nets til lengri tíma, sem hann er tregur til.

Einnig hafa heyrst raddir þess efnis að Melo muni hitta stjórnendur New York Knicks um helgina en allir vita að þangað vilji hann fara. Ekkert hefur hins vegar enn verið staðfest.

Melo til Lakers?



Carmelo Anthony virðist vera með alla NBA deildina í gíslingu þessa dagana því fátt annað heyrist frá fréttamönnum sem fylgjast með henni annað en til hvaða liða hann geti mögulega farið.  New Jersey Nets, eftir þónokkrar tilraunir, gáfu nýverið skít í kapphlaupið um leikmanninn knáa og virtist þá lítið vera eftir nema New York Knicks og einhver smá smuga á að hann endi hjá Chicago Bulls.

Í síðustu viku bárust fréttir frá Los Angeles að stjórnendur Lakers væru að íhuga breytingar á leikmannalista sínum.  Sífellt háværari raddir heyrast nú af viðræðum milli Nuggets og Lakers um skipti á Carmelo Anthony og Andrew Bynum.  Díll sem gæti launalega vel gengið upp ef Lakers ákveða að loka á The Andrew Bynum Project.  Melo er góður fengur fyrir hvaða lið sem er sóknarlega en Lakers hafa átt í vandræðum í vörninni undanfarið og ekki er ég að sjá Anthony vera sterkan póst þar.  Einnig hefur heyrst af viðræðum milli Lakers og Bobcats um skipti sem myndu senda Artest til Charlotte fyrir annað hvort Stephen Jackson eða Gerald Wallace, en útlit er fyrir að ekkert verði af því þar sem Artest hefur lítinn áhuga á að fara til Charlotte.

En klukkan tifar og styttist hratt í að lokafresturinn til leikmannaskipta renni út þann 24. febrúar nk.  Ekkert lið virðist geta reitt af hendi það sem Nuggets eru að sækjast eftir, nema þá einna helst Knicks.  Þeir geta látið frá sér draft pick sem Nuggets eru á eftir fyrir nýja uppbyggingu á liðinu, en vilja síður láta af hendi Danilo Gallinari eða nýliðan Landry Fields sem eru á óskalista Nuggets.  Bulls hafa lítið annað að bjóða en Luol Deng, einhverja pappakassa og skiptimynt, en taka það ekki í mál að láta frá sér Joakim Noah sem Nuggets hafa farið fram á.

Samkvæmt spekingum vestan hafs virðast allir möguleikar vera jafn líklegir eins og staðan er í dag.  Jafnvel að hann verði einfaldlega um kyrrt þar til tímabilinu lýkur og semji við nýtt lið í sumar.  Ég veit alla vega að ég verð því feginn þegar lausn kemst á þetta mál því þessi sápuópera hefur verið hin versta - líkt og afgreiðsla ónefnds leikmanns á sínum högum sl. sumar.