OKC fans í bullinu eftir tapið í gær

Tayshaun Prince treður yfir alla Oklahoma borg

Naglinn í líkkistuna...

Russell Westbrook leikur sér að Lakers

Óhætt að segja að "góði" Russ hafi verið in-a-zone.

Stay classy Ibaka

All ball... Líka vel leikið hjá Griffin.

Kevin Durant setur Lakers á skólabekk

42 stig á Lakers vörnina getur varla talist mikið afrek, en drengurinn getur spilað bolta... það er á tæru.

Heat - Thunder (Leikur 1)



Þáttur Nick Collison í sigri OKC Thunder í leik 1 gegn Heat

Thunder-liðsmenn mættu til leiks í fyrri hálfleik fyrsta leiks Oklahoma og Miami um úrslit NBA deildarinnar í nótt, með örlítinn vott af Finals jitters. Menn voru ekki að skjóta af öryggi og vörnin var hálfrugluð á köflum í fyrsta hluta.  Scott Brooks segir það að miklu leyti vera því um að kenna að Spoelstra ruglaði öllum match-uppum fyrir þennan leik.  T.d. byrjaði LeBron James að dekka Kendrick Perkins og þar fram eftir götunum.  Brooks sagði að það hafi tekið rúmlega fyrsta fjórðung að ná áttum vegna þessa auk þess sem Battier og Chalmers voru að negla niður skotum út um allt.

Að mínu mati fór ekkert að ganga hjá Thunder liðinu fyrr en maður að nafni Nick Collison var settur inn á í staðinn fyrir Kendrick Perkins.  Perkins er eiginlega tiltölulega gagnslaus í þessari seríu þar sem Miami hefur enga sérstaka ógn í teignum. 

Collison er einstaklega klókur körfuboltaspilari og tímasetningar hans og hreyfing án boltans eru til fyrirmyndar.  Tölfræði hans ber engan veginn vitnisburð um afrek hans í þessum leik fyrir utan kannski þau 10 fráköst (5 í sókn) sem hann reif niður á aðeins 21 mínútu.

Ef könnuð er "advanced" tölfræði leiksins er framlag hans ótvírætt.  80% TS% og eFG%, hann reif niður um 30% af öllum fráköstum sem í boði voru, og 16% sókna liðsins flæddi í gegnum hann, á meðan hann var inni á vellinum.  Önnur tölfræði frá Nerdnumbers.com sem kallast "Wins Produced" eða framlag leikmanns til árangurs liðsins, sýnir hins vegar betur en allt annað hver var mikilvægast leikmaður liðsins miðað við spilaðar mínútur.  WP-gildi Collison í leiknum var 0,20 - næst á eftir Kevin Durant sem var með 0,38.  Ef þetta gildi er hins vegar skoðað miðað við 48 leiknar mínútur er Collison með hæsta gildið eða 0,453.

Þessi sería fer hressilega af stað en ef Miami ætlar ekki að spila betri vörn en þetta (DRgt 120,2 í þessum leik) þá er ég ansi hræddur um að leikirnir í seríunni verði fáir.  Wade þarf líka að fara að ákveða sig hvort hann ætlar að taka þátt í sóknarleik liðsins eða ekki.

Kevin Durant átti hins vegar stórleik fyrir heimamenn og tókst að skrá nafn sitt í sögubækurnar við það að skora næstflest stig leikmanna í sínum fyrsta Finals leik með 36 stig.  Aðeins Allen Iverson skoraði meira eða 48 á móti Lakers 2001.



Líkindi úrslita í NBA Finals samkvæmt veðbönkum

Bandaríkjamenn hata ekki að setja pening undir úrslit íþróttakappleikja og eru NBA Finals engin undantekning þar.  Samkvæmt Oddsshark.com eru mestu líkurnar á því að Oklahoma Thunder loki þessu í sex leikjum eða 11:4 með lægsta stuðulinn 2,75.



Sigurlið	Fj.leikja	Líkindi	Stuðull
OKC Thunder	4	9:1	9,00
OKC Thunder	5	6:1	6,00
OKC Thunder	6	11:4	2,75
OKC Thunder	7	14:5	2,80
Miami Heat	4	15:1	15,00
Miami Heat	5	13:2	6,50
Miami Heat	6	8:1	8,00
Miami Heat	7	7:1	7,00

Fyrsta og annað sætið í MVP kosningu mætast í úrslitum



Í tólfta sinn í sögu NBA deildarinnar mætast í Finals, verðmætasti leikmaður deildarinnar og sá sem lenti í öðru sæti í þeirri kosningu. Hér að neðan eru þeir taldir upp sem mæst hafa í úrslitum, MVP á undan og annað sætið á eftir.  Þeir sem stóðu uppi sem meistarar eru feitletraðir.

1957 - Bob Cousy vs. Bob Pettit
1961 - Bill Russell vs. Bob Pettit
1963 - Bill Russell vs. Elgin Baylor
1967 - Wilt Chamberlain vs. Nate Thurmond
1970 - Willis Reed vs. Jerry West
1980 - Kareem Abdul-Jabbar vs. Julius Erving
1985 - Larry Bird vs. Magic Johnson
1991 - Michael Jordan vs. Magic Johnson
1992 - Michael Jordan vs. Clyde Drexler
1997 - Karl Malone vs. Michael Jordan
1998 - Michael Jordan vs. Karl Malone
2012 - Kevin Durant vs. LeBron James

Í níu af þessum ellefu skiptum sem þetta hefur gerst, hefur verðmætasti leikmaður deildarinnar unnið titilinn.  Í hin tvö skiptin voru það ómannleg kvikindi eins og MJ og Magic sem brutu þá reglu.  Í níu af þessum ellefu skiptum hefur liðið sem vann meistaratitilinn verið með heimavallarréttindin og enn og aftur voru það Magic og Jordan sem leiddu þar sín lið alla leið.

Sagan er ekki með LeBron James þessa ferðina frekar en fyrri daginn.  Það getur hins vegar allt gerst í Finals og það er það sem gerir þessa íþrótt svo skemmtilega. 

Ég segi hins vegar að Oklahoma Thunder muni taka þessa seríu í sex leikjum.

Legendary sería

Bynum er blóraböggull Lakers aðdáenda

Margir Lakers menn hafa kennt Andrew Bynum um ófarir liðsins gegn OKC.  Færa má rök fyrir því með t.d. þessum myndböndum en þó held ég að framlína OKC hafi einfaldlega verið númeri of stór fyrir Bynum og Gasol.  Kendrick Perkins þurfti ekki double-team til að ráða við Bynum og svo að lokum var guttinn búinn að missa áhugann eins og sést einnig mjög vel í þessum myndböndum.

Annað myndband sem ég rakst á sýnir hversu fáránlega öfluga vörn Perkins var að spila á strákinn.  Frontar hann út og suður og þarf engan að undra hvers vegna boltinn komst sjaldan eða aldrei inn í teiginn.



Er ég einn um að vilja OKC og Heat í Finals?



Villa eða frábær vörn?

Nuggets áttu færi á að jafna leikinn gegn Thunder í nótt, þremur stigum undir og nokkrar sekúndur eftir.  Gersamlega kæfandi vörn (að mínu mati) frá James Harden hindraði það að J.R. Smith næði að ná almennilegu skoti af rétt áður en flautan gall.  Hvað finnst ykkur?



Danny Ainge - snillingur eða fáviti?



Það hefur eflaust farið um marga Celtics fylgjendur í lok síðasta mánaðar þegar Danny Ainge, framkvæmdastjóri Boston Celtics gekk frá leikmannaskiptasamningi við Oklahoma Thunder sem sendi Kendrick Perkins og Nate Robinson frá Boston í skiptum fyrir Jeff Green og Nenad Krstic.  Hörðustu Celtics fylgjendur vönduð ekki Ainge kveðjurnar í kjölfarið og vildu meina að arkitektinn að Big 3 formúlunni sem öll stærri lið í deildinni eru nú að ljósrita, væri algerlega að drulla upp á bak. 

Lengi vel var talað um að meiðsl Perkins í úrslitunum sl. sumar hafi gert gæfumuninn fyrir Boston menn og þar hafi í raun mótið klárast fyrir Celtics.  Mikilvægi Perkins fyrir Boston liðið hafi þar með verið undirstrikað margfalt.  Perkins var svo frá leik allan fyrri hluta þessa tímabils sem virtist ekki koma að sök því liðið spilaði eins og vel smurð vél og voru menn farnir að velta því fyrir sér hversu óstöðvandi liðið yrði þegar Perk kæmi aftur til leiks.  Hvað fær þá manninn til að senda þennan máttarstólpa liðsins í burtu nú þegar félagið í þeirri mynd sem það er nú, hefur sóknina af alvöru í átt að úrslitunum þetta árið?

Fyrir það fyrsta þá er engum blöðum um það að fletta að Perkins er hrökkbrauð og stuttu eftir endurkomu hans eftir krossbandsslitin, meiddist hann á hinu hnénu auk þess sem önnur öxlin hefur eitthvað verið honum til ama.  Eftir því sem fram hefur komið í fjölmiðlum reyndi Ainge að semja við Perkins um framlengingu á samningi hans í upphafi þessa árs en Perkins hafi hafnað fjögurra ára samningi upp á $30 milljónir.  Haft var eftir umboðsmanni Perk að hann myndi reyna fyrir sér í free-agency næsta sumar og reyna að fá sem mest út úr því.  LeBron/Cleveland fíaskóið hefur kennt mönnum að hengja sig ekki of mikið á orð leikmanna og Ainge því ákveðið að toga í gikkinn og senda Perk í burtu, því ekki hefði hann fengið neitt fyrir hann annars. En hvað fékk hann í staðinn?

205 cm háan, gríðarlega athletic small forward í Jeff Green og þokkalegan center í Nenad Krstic.  Jeff Green hefur verið að koma af bekknum hjá Celtics, skoraði nú síðast 21 stig í sigri á Golden State, en Krstic hefur komið sér vel fyrir í byrjunarliðinu á meðan Shaq er meiddur.  Celtics yngja upp og búa jarðveginn fyrir uppbyggingu eftir að The Big 3 leggja skóna á hilluna.  Hver veit nema sóknarleikur liðsins hressist aðeins með Green á harðahlaupum og Rondo verði ekki sá eini í liðinu sem komist í Top 10 vikunnar.  Krstic er annálaður bad-ass eftir stólakastið sitt í "vináttuleiknum" gegn Grikklandi í fyrra.  Þessir drengir eiga þó eftir að sanna sig í úrslitakeppninni þar sem Perkins hefur reynst Celtics dýrmætastur.

Sem færir okkur einmitt að því sem hvers vegna Oklahoma Thunder lætur frá sér tvo spræka leikmenn í staðinn fyrir Kendrick Perkins.  Perk er ekki sá framtakssamasti í sókninni en maðurinn getur dekkað nánast hvaða 7 fetara sem hent er á hann.  Pau Gasol á eflaust erfitt með svefn nú þegar hann mun þurfa að fást við Perk mun fyrr í úrslitakeppninni.  Thunder hefur ekki skort sóknarþunga en vörnin hefur verið pappírsþunn og vantað allan massa í hana.  Það hangir hins vegar á heilsu Perkins það sem eftir lifir tímabils hvort Thunder hafi sett upp stálvegg í teignum hjá sér... eða keypt köttinn í sekknum.  Stjórnendur Thunder eru alla vega tilbúnir að taka áhættuna því Perkins samdi nýverið við félagið um fjögurra ára $36 milljóna framlengingu á samningi sínum.

Óneitanlega hagræðing fyrir bæði lið, en of mikið af óvissuþáttum hanga á útkomunni Oklahoma megin. Celtics tóku erfiða ákvörðun sem mun eflaust gefa af sér til lengri tíma á meðan Thunder einbeita sér að núinu og að komast dýpra inn í úrslitakeppnina.  Lakers/Thunder einvígið varð skyndilega í það minnsta mun áhugaverðara.

Celtics senda Kendrick Perkins til Oklahoma Thunder

Boston Celtics droppa næststærstu sprengju þessa tímabils rétt fyrir deadline...  Hvað er í gangi?!  Kendrick Perkins og Nate Robinson fara til Thunder og Jeff Green og Nenad Krstic fara til Celtics.