Dee Brown getur enn troðið

Úrvalsdeild karla 1988-89 - Tölfræðigreining

Í gegnum tíðina berum við alltaf saman gamla tímann og þann nýja. Menn rífast stanslaust um hvort Magic eða Jordan hafi getað dekkað LeBron eða Kobe. Eða jafnvel hvort meistaralið Miami Heat gæti staðið í Chicago Bulls liðinu árið 1996.

Slíkur samanburður er alltaf erfiður því þá er verið að tala um ólíka tíma, ólíkar kynslóðir leikmanna og aðrar áherslur í leik liða.

Lítið hefur hins vegar farið fyrir slíkum samanburði á gömlum körfuboltaliðum á Íslandi gegn þeim sem nú spila í Dominos deildinni.  Tilgangurinn með þessum pistli er að gera heiðarlega tilraun til þess og byrja á að bera saman Flugleiðadeildina 1989 og Dominos deildina í dag. Skoðum hvort það sé munur á hraða leiksins, skotvali, stigadreifingu, skotnýtingu og einnig skilvirkni sókna. Síðar meir munum við fá inn fleiri tímabil.

Áður en ég hóf þessa könnun var ég nokkurn veginn búinn að ákveða að leikhraði á níunda áratugnum hafi verið mun hægari en í dag. Raunin er hins vegar önnur. Meðalleikhraði (Pace) deildarinnar 1989 er aðeins 2 sóknum á eftir boltanum í dag. Sóknarnýtingin (Floor%) er sú sama og almenn skotnýting örlítið lakari í dag. TS% og eFG% er hins vegar umtalsvert hærri og það skýrist á miklu magni þriggja stiga skota sem boltinn í dag hefur umfram '89. Liðin í dag taka að meðaltali um 12 þriggja stiga skotum meira en '89 og nýtingin nokkurn veginn sú sama.

Þessi áherslumunur sést best í dreifingu stigaskors og á skotvali liðanna í deildunum tveimur, þar sem um þriðjungur allra skota í dag eru þriggja stiga skot en þetta hlutfall var aðeins 16,9% '89.

Samkvæmt Four-Factors greiningu eru það Njarðvíkingar sem tróna á toppinum með Keflavík rétt á eftir sér. Munurinn á milli bestu og lökustu liðanna er í sjálfu sé ekki mikið meiri en hann er í dag hvað þessa tölfræði varðar, að undanskildu liði ÍS sem er algerlega í sérflokki í neðsta sæti í 5 af 8 þáttum. Íþróttafélag stúdenta féll þetta árið og fór aldrei upp aftur.

Keflavík skarar fram úr í sókn með 51,9% nýtingu á sóknarleik sínum en er í einhverjum erfiðleikum með varnarleikinn. Njarðvíkingar hins vegar eru framúrskarandi í vörn, heldur sóknarnýtingu andstæðingar sinni í 41,7% og meðal þriggja bestu sóknarliða deildarinnar.

Hvað varðar leikmenn deildarinnar birtist hér að neðan listi yfir 20 efstu leikmenn deildarinnar út frá PER (Player Efficiency Rating). Þar vekur strax athygli að nýliðinn, 17 ára unglingurinn Jón Arnar Ingvarsson er þar efstur á lista með 30,9 í PER á sínu fyrsta ári í meistaraflokki Hauka (m.v. tölfræðisafn KKÍ). Ótrúlega athafnasamur inni á vellinum þrátt fyrir að spila aðeins 18 mínútur í leik. Það kann að vekja furðu lesenda að 17 ára nýliði sem spilar aðeins 18 mínútur í leik komist á þennan lista, hvað þá að leiða hann. Þessi mælikvarði hins vegar mælir skilvirkni leikmanna og nái þeir tilskildum lágmarksmínútufjölda komast þeir í mengið sem þetta er reiknað út frá.

PER mælir eins og áður segir skilvirkni og nýti menn þær mínútur sem þeir fá til góðra verka, geta þeir mælst hátt í þessu gildi.  T.d. ef tölfræði Jóns Arnars er uppreiknuð miðað við 30 mínútur í leik er hann með 22,1 stig, 5,5 stoðsendingar og 2 stolna bolta.  Jón Arnar er einnig með mjög hátt Usg% sem er fátítt fyrir unglinga á fyrsta ári.

Teitur Örlygsson er ekki langt undan með 29,5 en það er óhætt að segja að við þessa athugun hafi verið færðar undir það stoðir hversu fáránlega góður varnarmaður Teitur var á þessum tíma. Sem dæmi má nefna að Teitur var með hvorki meira né minna en 4,3 stolna bolta í leik.

Það þekkj allir Guðjón Skúlason og hvers hann er megnugur með boltann. Ótrúleg skotnýting hans á þessu tímabili vegur þungt við þessar mælingar en hann var með 57,6% nýtingu innan þriggja stiga línunnar og 38,4% utan hennar.

Restin af listanum er smekkfull af gömlum goðsögnum í íslenskum körfubolta og er efni í heila bók að fjalla um þá alla.  Einn ber þá helst að nefna og það er Hauka-maðurinn Pálmar Sigurðsson sem er faðir Arons Pálmasonar, landsliðsmanns í handbolta. Sá var heldur betur á skotskónum á þessu leiktímabili, tók 228 þriggja stiga skot (flest allra í deildinni) og hitti úr 93 þeirra (einnig flest allra í deildinni), sem gera 40,8%! Þess ber þó að geta að á þessum árum voru aðeins 3-4 leikmenn sem sáu um að skjóta 80-90% af þriggja stiga skotum liðsins. Aðrir höfðu bara önnur hlutverk í liðinu. Nú er þessu háttað á allt annan veg og fleiri geta sett hann niður fyrir utan.

Einnig verður að benda á sérstöðu Jóns Kr. Gíslasonar í leikstjórnandastöðunni fyrir Keflavík. Þar er á ferðinni hreinræktaður "point guard" ef einhvern tímann slíkur var til á Íslandi. Leiddi deildina í stoðsendingum með 167 yfir veturinn eða 6,4 að meðaltali í leik. Eflaust mætti nánast tvöfalda þessa tölu til að hún verðir nær raunveruleikanum því þeir sem skráðu tölfræðina á þessum tíma voru sjaldnast með það á hreinu hvað stoðsending fæli í sér og var hún ekki skráð nema boltinn væri sendur nánast beint í körfuna. Hlutfall stoðsendinga á móti töpuðum boltum er einnig gríðarlega hátt hjá Jóni eða 2,5, en þetta er oft góður mælikvarði á gæði leikstjórnenda.

 

Kobe er fjórði stigahæsti leikmaður í sögu NBA deildarinnar

Charles Barkley er fimmtugur í dag

Slagsmál og grófar villur

Mjög hressandi...

Hvíta súkkulaðið er enn með þetta

...og Scottie Pippen treður ennþá eins og enginn sé morgundagurinn.



Blake Griffin + NBA Jam



Gamli skólinn: Larry Bird

Menn voru skíthræddir við djömpskotið hans Larry Legend back in the day.... og möllettinn hans líka.  Sést best á félaganum sem hann feikar upp úr sokkunum í þessu myndbandi og smettar svo Jeff Turner í kjölfarið.  Respect.



Magic Johnson smettar Wally Walker

Töff flopp Wally... bullshit ruðningur.

Ívar Webster í flóðabuxum

Old school swag í gangi þarna...

Það eru til margar góðar sögur af þessum snillingi, líklega efni í heila bók. Mér er minnisstæðast þegar hann kom náhvítur á æfingu hjá ÍR eftir að vinur hans og herbergisfélagi Arthur Babcock (sem þjálfaði og lék með ÍR á þessum tíma) hafði klesst bíldruslu sem þeir höfðu til afnota á staur í glerhálku í Breiðholtsbrekkunni. Fyrsta og líklega eina skiptið sem ég hitti fyrir "hvítan" blökkumann.

17 ára Walt Chamberlain

Náttla fáránlegt að sjá yfirburðina sem þetta kvikindi hafði þarna á þessum tíma.  Hvað ætli hann hafi verið búinn að leggja margar af þessum 20 þús konum sem hann sagðist hafa lagt? Swag...

Rambis beastin' á Darryl "Chocolate Thunder" Dawkins

Via Fúsíjama.TV

X-Man

Old School

CEDRIC CEBALLOS - FLOW ON

Nýkominn til Lakers og hvað er þá betra en að gefa út rapplag?

Og ekki var það mikið mál að fá sjóðheitan Warren G til að koma með taktinn.

Af plötunni B-Ball's Best Kept Secret þar sem rappararnir eru ekki af verri endanum:

Jason Kidd
Dana Barros
Malik Sealy
Shaquille O'Neal
Cedric Ceballos
Dennis Scott
Brian Shaw
Chris Mills
og hinn mjög svo eðlilegi J.R. Rider

http://www.amazon.com/Basketballs-Secret-Barros-Malik-Sealy/dp/B000008NOI


Good old times.

Magic Johnson hefði getað endað hjá Chicago Bulls

Eflaust margir Lakers menn sem fá öran hjartslátt við að sjá þetta...

Mark Cuban ca. 1978