Vel gert, Brandon Roy

18 stig í fjórða hluta... næææææs!



Hvar er Valli (Kevin Durant)?

Það er nánast ekkert búið að fjalla um Kevin Durant í vetur. Það mætti halda að hann væri meiddur eða búinn að vera slakur í vetur. Fjölmiðlar fjalla lítið sem ekkert um hann.
Drengurinn er fæddur 1988, og var stigakóngur í fyrra. Hann varð líka stigakóngur í deildinni í ár þrátt fyrir að tölurnar hans hafið aðeins dalað. OKC voru 55-27 í ár og enduðu í fjórða sæti vesturdeildar samanborið við 50-32 record í fyrra sem gaf þeim áttunda sætið og hafa því verið að bæta ofan á góðan árangur frá því í fyrra.
Kannski bjuggust menn meira við af Durant í ár eftir frammistöðu hans með USA í sumar á HM þar sem hann bar af og átti langstærstan þátt í sigri þeirra. Það er möguleiki.

Það muna allir eftir einvíginu við Lakers í fyrra. Lakers réðu ekkert við hraðann í bakvörðum OKC. Þar sýndu strákarnir klærnar og að mínu mati verðskulda þeir meiri athygli.
Það er ekki spurning hvort heldur hvenær strákarnir í OKC toppa og að mínu mati gætu þeir farið langt í úrslitakeppninni í ár eftir að hafa fengið K.Perkins.

Ef að þeir slá út Denver þá mun það gefa þeim mikið sjálfstraust og þá er aldrei að vita hvar þeir enda. Sky's the limit.

Chicago Bulls í vandræðum með Indiana Pacers

Leikir helgarinnar voru allir mjög hressandi svo ekki sé meira sagt.  Enginn leikur endaði með meira en 10 stiga mun og meðalstigamunurinn var aðeins 6 stig í þessum leikjum.  Risastórar körfur í lokum nokkurra leikja og nokkur upset í vesturdeildinni sem aðeins rekur stoðum undir hversu jöfn og sterk hún er.

Pacers ætluðu heldur betur að stríða mínum mönnum í Bulls strax á fyrstu mínútu og var mér hætt að lítast á blikuna þegar líða fór á þriðja hluta þar sem munurinn fór yfir 10 stig. Bulls gáfu hins vegar í um miðjan fjórða hluta og 14-1 rönn kom þeim aftur inn í leikinn sem Kyle Korver klárað svo með þrist, John Paxon style.  Korver náði að bjarga sér fyrir horn í seinni hálfleik en mig langaði óstjórnlega til að kirkja manninn í fyrri hálfleik - tapandi boltanum trekk í trekk á mikilvægum augnablikum.

Meðferð Tyler Hansbrough á Carlos Boozer kom mér nákvæmlega ekkert á óvart því þetta er nákvæmlega það sama og gerðist í síðasta deildarleik þessara liða sem Indiana unnu með stórleik frá Psycho-T.  Boozer ræður bara ekkert við strákinn þegar hann er í ham.  Miklu grimmari, sneggri og með deadly mid-range djömper sem Booz verður að hafa fyrir að dekka.  Það sem kom hins vegar skemmtilega á óvart var frábær leikur frá Darren Collison sem ég vissi að væri góður, en ekki SVONA góður.  Rose var í bullandi vandræðum með hann þar sem hann fór oft illa með Bulls vörnina með einföldum pick-n-roll leikfléttum.  Hann var ekki fallegur en sigur var það engu að síður.

Þá komum við að öðrum leik, þar sem ég hélt að mínir menn myndu nú sýna sitt rétta andlit - en heldur betur ekki.  Hittu ekki rassgat og voru í bullandi vandræðum með þetta lið sem lenti í áttunda sæti austurdeildarinnar með um 45% vinningshlutfall.  Korver enn og aftur með stóran þrist í krönsj tæm sem kom Bulls þægilega yfir en klúðursleg villa Derrick Rose á AJ Price í þriggja stiga skoti kom sér ansi illa.  Enn og aftur ljótur sigur, en sigur engu að síður.

Bulls eru þó 2-0 í þessari seríu en fara ekki beint stútfullir sjálfstrausts til Indianapolis.  Bulls hafa unnið báða þessa leiki, en að miklu leyti vegna þess að Pacers klúðruðu þeim báðum á ögurstundu með ósamstíga varnarleik.  Allt of mikið hangir á Derrick Rose í sóknarleik Bulls sem virðist nánast eingöngu snúast um hvað hann býr til.  Þetta er hins vegar strategían hans Tom Thibodeau sem hefur skilað þeim þangað sem þeir eru í dag.  Vörn ofar öllu, sóknin fylgir í kjölfarið.



Vel gert Derrick Rose

Mögnuð tilþrif frá Derrick Rose í leik 1 gegn Indiana...  Takk fyrir hjálparvörnina, Booz.



Michael Jordan er ríkur



Wade skellir nýliðanum á skauta



Sko stóra strákinn!

Vel gert hjá STAT...



Molar

* Shaq ekki með Celtics á morgun
* JJ Redick með Magic í fyrsta leik á eftir
* Bynum segist vera klár í slaginn á morgun
* Manu tæpur á að vera með á morgun
* King James með mest seldu treyjuna í ár - Kobe 2 ár þar á undan með þá mest seldu

Hörkuleikur í gangi núna. Þeir sem ekki eru að horfa á Pacers negla niður stórum skptum trekk í trekk eru að missa af miklu (Tyler Hansbrough að fara illa með C. Boozer). 83-89 fyrir Pacers þegar 6:57 eru eftir.

Meiri upphitun fyrir Playoffs



Bestu tilþrif NBA deildarkeppninnar 2010-2011