Samanburður á liðunum í undanúrslitum IEX karla

Þeir sem horfðu á annan leik KR og Þórs Þorlákshafnar í gær urðu vitni að hápunkti þróunar sem átt hefur sér stað undanfarna mánuði: dýrslegum varnarleik Þórsara.

KR hóf þetta tímabil sem þriðja besta varnarlið deildarinnar en hefur dregið þar úr þegar nálgaðist áramótin og enn meira nú rétt fyrir úrslitakeppni.  KR endaði í 7. sæti yfir skilvirkni varnar og rétt yfir meðaltali deildarinnar.

Hins vegar hefur þveröfug þróun átt sér stað hjá Þór Þorlákshöfn.  Hófu deildina í 7. sæti og nú í lok deildarinnar voru Þórsarar næstskilvirkasta varnarlið deildarinnar 0,6 stigum undir Grindavík.
Þróunina er hægt að sjá á myndunum hér að neðan, þar sem 3 mælingar eru teiknaðar upp, eftir 5 leiki (I), 9 leiki (II)og svo í lok deildarinnar eftir 22 leiki (III).  KR hefur sótt í sig veðrið í sókn en fórnað varnarleik fyrir það.  Þór hins vegar sótt gríðarlega á í vörn með einhverri fórn í sókn.  Þróunin sést jafnvel betur þegar skoðað er munur liðanna á meðaltali deildarinnar hverju sinni (+/- MT) þar sem stökk Þórsara úr 1,7 upp í -6,8 er ansi bratt.

 

Svona voru fyrstu leikirnir í viðureign KR og Þórs í tölum:

G1	KR	+/-	Þór	+/-
Pace	72,6	-10,1	72,6	-10,1
Stig	82	-3,9	79	-6,9
Orgt	112,9	9,1	108,8	5,0
Drgt	108,8	5,0	112,9	9,1

G2	KR	+/-	Þór	+/-
Pace	80,1	-2,7	80,1	-2,7
Stig	76	-9,9	94	8,1
Orgt	94,9	-8,9	117,4	13,5
Drgt	117,4	13,5	94,9	-8,9

Fyrri leikurinn greinilega slakur hjá báðum liðum en Þór fer ansi illa með KR í þeim síðari.

Ef vörnin hjá Þór heldur áfram að tæta í sig KR-ingana eins og gerðist í síðasta leik, ætla ég að gerast svo djarfur að spá Þór áfram í úrslitin.  KR-ingar hafa spilað allt of sveiflukennt í vetur og það einfaldlega má ekki í úrslitakeppninni.  Þór er með lægsta staðalfrávik á úrslitum leikja sinna eða 10,04 á móti 15,38 hjá KR sem er verst í deildinni.  Hvað varðar viðureign Grindavíkur og Stjörnunna held ég að fátt stöðvi Grindavíkur-skriðdrekann á leið sinni í úrslitin.
 

Skilvirkni liða í IEX deildunum

Stjarnan er skilvirkasta sóknarlið IEX deildar karla og Grindvíkingar skilvirkastir í vörn.  Það sem vekur einna helst furðu mína og jafnframt gremju er algert hrun ÍRinga í varnarleiknum.  Sóknin heldur sínu striki hjá þeim en þeir sína hvað slakasta frammistöðu í vörn, meira en fimm stigum meira yfir meðaltalinu en Valur.

Hjá stelpunum er mikið til sama sagan og síðast.  Njarðvík sterkastar í sókn en Keflavík í vörn.

Tölfræði leikmanna IEX deildanna 2011-12

Vorboðinn ljúfi, úrslitakeppni Iceland Express deildarinnar, er kominn og það þýðir bara eitt:  best að renna yfir tölurnar úr deildarkeppninni.

Njarðvíkingar eiga bestu leikmenn IEX deildanna ef mælt er út frá Player Efficiency Rating mælikvarðanum. Travis Holmes leiddi IEX deild karla með 28,9 og Lele Harding leiddi IEX deild kvenna með fáránlegar tölur eða 44,0 í PER.  Hér á eftir sjást 10 efstu leikmenn hvorrar deildar ásamt nokkrum "advanced stats" gildum þeirra.  Við miðið er að leikmenn hafi spilað 50,81% þeirra mínútna sem liðið hefur leikið eða 447 mínútur í tilfelli karla og 569 mínútur í tilfelli kvenna.  Þetta viðmið er (hlutfallslega) það sama og Basketball-Reference.com notar fyrir NBA deildina.



Pálína Gunnlaugsdóttir er eini íslenski leikmaðurinn sem kemst á topp 10 lista hvorrar deildar, enda með frábærar tölur þetta tímabilið sú.  Sé hins vegar þáttur útlendinga tekinn út lítur þetta svona út:

Þess ber að geta að meðaltal deildarinnar í PER er 15,0.

Min = Leiknar mínútur

Stig = Stiga að meðaltali í leik

FG% = skotnýting (2pt + 3pt)

TS% = True Shooting %

eFG% = Effective Field Goal %

Usg% = Usage %

Eff. = Framlag í leik

PER = Player Efficiency Rating

Ast/TO = Stoðsendingar á móti töpuðum boltum

*Uppfært*  Glöggir lesendur ráku augun í að Sigurbjörn nokkur Björnsson var að villast í sæti Justin Shouse auk þess sem ný gildi voru að tínast inn í tölfræðigrunn KKÍ nýverið.  Töflurnar hér að ofan fyrir IEX deild karla eru nú uppfærðar með réttum nöfnum og gildum.  Eftir leiðréttingar skaust Marvin Valdimarsson Stjörnunni á toppinn fyrir ofan Finnur Magnússon KR með besta PER í IEX deild karla.

Lokastaða IEX deildar karla út frá CGM

Nú þegar deildarkeppninni er lokið og staðan klár fyrir úrslitakeppnina er ekki úr vegi að taka stöðuna á hvernig liðin raðast út frá "Correlated Gaussian Method" til að hægt sé að ráða í úrslit leikja fyrstu umferðar.



Sömu lið eru í 8 efstu sætunum og í lokastöðunni þó uppröðunin sé ólík.  CGM gerði ráð fyrir einu tapi í viðbót hjá Grindvíkingum sem virtust eitthvað vera að slaka á keyrslunni í lokaumferðum deildarinnar.  Með þetta að leiðarljósi er hægt að ráða í úrslitin í fyrstu leikjunum í úrslitakeppninni.

Úrslitakeppni
U1-L1
GRI	NJA	73,8%	26,2%
KR	TIN	82,7%	17,3%
ÞÓR	SNÆ	56,3%	43,7%
STJ	KEF	59,1%	40,9%
U1-L2
NJA	GRI	22,1%	77,9%
TIN	KR	27,2%	72,8%
SNÆ	ÞÓR	58,0%	42,0%
KEF	STJ	55,3%	44,7%
U1-L3
GRI	NJA	-	-
KR	TIN	-	-
ÞÓR	SNÆ	56,3%	43,7%
STJ	KEF	59,1%	40,9%

Skv CGM er allt útlit fyrir að Grindavík og KR klári sínar viðureignir í tveim leikjum, en Þór Þorlákshöfn og Stjarnan fari áfram á eftir þrjá leiki.  Einhverra hluta vegna hafa Njarðvíkingar betri líkur á því að vinna Grindvíkinga á þeirra heimavelli skv þessum útreikningum, en ég geri ekki ráð fyrir að þetta verði mikil fyrirstaða fyrir Grindvíkinga.  KR-ingar eru með líkurnar með sér í sinni viðureign gegn Tindastól en vitað er að það lið er erfiður ljár í þúfu á heimavelli og kæmi mér ekkert á óvart að þessi viðureign endaði 2-1 fyrir KR þrátt fyrir það sem hér að framan stendur.  Hinar tvær viðureignirnar eru hins vegar galopnar og verða mjög spennandi.

D-Rose með hammer time

Fast don't lie...



Linsanity blokkar D-Rose



Svakalegt blokk hjá Bismack Biyombo

...samt lélegasta lið deildarinnar.



Mac Miller - Of The Soul (Remix) ft. Posdnous & Raekwon



Meira Gerald Green

Alveg eðlilegt...



D-Wade klárar Pacers

Vel gert dómarar að dæma ekki villu á þetta.  Wade bjó til allt contact þarna.  Vel gert Wade að setja þetta niður... sæll!  Mikið að einhver af the Big Three þori að taka síðasta skotið.

Jújú... Bron var búinn að jafna leikinn fyrir þá líka...